Porträts mit Blitzlicht

Es ist erstaunlich, was mit den kleinen Aufsteckblitzen alles möglich ist. Lunte gerochen haben wir vor einem Jahr beim Workshop "Portraitfotografie mit Natur- & Blitzlicht" und heute kam es quasi zu einer Fortsetzung. Der Workshop - wiederum durchgeführt von Felix Peter - lief unter dem Titel "Perfektes Blitzlicht mit Aufsteckblitzen". Es war wiederum sehr spannend und hat viel Spass gemacht! Dumm nur, dass ich mir jetzt tatsächlich noch ein paar solcher Blitzgeräte zulegen muss. Denn gerne möchte ich mich demnächst an Leute aus dem Bekanntenkreis wagen, die Lust auf ein solches Shooting hätten.

Hier geht's zur Galerie - an dieser Stelle vielen Dank an Felix und unsere Models Ramona und Raymond.

Spiel mit Natur- & Blitzlicht

Da noch immer Schulferien sind, der Hunger nach Fotografie jedoch riesig, sind Diana und ich vergangenen Dienstag "fremdgegangen"und haben bei Felix Peter einen Workshop besucht: Portraitfotografie mit Natur- & Blitzlicht.

Nebst Theorie hatten wir viel Zeit zum Üben. Herzlichen Dank an Felix für den tollen Abend und an Daniela, unserem super Model :-)

Hier geht's zur kleinen Galerie.

Bös...

...driluege - genau das hei mir hüt gmacht! Aber nid, wüu dr Ungerricht ke Spass hätti gmacht, sondern wüu das ds'Thema isch gsi: Herti, bösi Portraits z'mache. Auso zum eine z'Fötele, mit äm müglechscht bös Usdruck u im richtige Liecht. U när die Biuder im Photoshop no entsprächend "verschärfe".

Wes eim nid drum isch bös z'luege, de isch das nid ä so eifach u de chöme ender ä so Grimassene derbi use. Aber tant pis...

Die schön Überraschig deheime isch gsi, dass mir d'Nachbearbeitig (oder Ufwärtig... ;-) mit äm Photoshop Elements glich glunge isch, wie ir Schuel mit dr Voll-Version.

Photoshop:

Photoshop Elements:

I däm Sinn - Guät Nacht auersits u kener Albträum!

PS: Bi dene Föteli si d'Eve u d'Sabrina am Drücker gsi.

...u itze no chlei nach links, stop, guät...

Ungfähr ä so hets geschter Abe tönt - u natürlech het me ono nach rächts, hingere oder füre chönne, oder dr Blick liecht nach ufe, nach abe oder wie o immer... Konkret, mir befasse üs witer mit dr Portrait-Fotografie u dismau isches drum gange, müglechscht dunkli Biuder z'schiesse. Isch auso cheibe schwierig mit däm Liecht umzgah u nach Afangs-Schwierigkeite isches de geng chlei besser gange u am Schluss hei mir gar nümme wöue ufhöre! Isch wiederum ä fägige Abe gsi - merci aune Beteiligte, das macht ächt Spass!!
Hie d'Best of... - äs si leider nid so viu, obwouh d'Models dr Hammer si gsi ;-)

"Was übrig blibt...

...isch Kunscht" - das isch letschte Zytschig am Claudio si Leitsatz gsi. U drus use isch üsi Ufgab entstande: Überbeliechteti Portrait-Fotos vo üsne Gspähnli mache u när im Photoshop ä so witer nachbearbeite, dass äbe nume no weni übrig blibt. Isch ä spannendi Üebig gsi. Zum einte die Biuder z'schiesse, aber när o d'Nachbearbeitig. U deheime bim Nacheprobiere hani gmerkt, dass Photoshop Elements doch viu weniger cha aus s'Originau - bi däm Pris-Ungerschied ja eigentlech o kes Wunder.
Hie di chlini Galerie mit vier Versueche...

Portraits

...das isch üses hütige Thema gsi. U mis "Biud vom Abe" isch dr Claudio in Action :-) Mit viu Härzbluet vermittlet är üs d'Kunscht vor Portrait-Fotografie.

Äs paar Resultat chame hie luege. U itze giengtis ums Üebe, Üebe, Üebe...